AIFAESA PARTISIPA IHA TREINAMENTU BA STANDARIZASAUN VERIFIKASAUN KUANTIDADE PEZU IHA METROLOJIA

Díli, 15/07/2021 - Autoridade Inspesaun no Fiskalizasaun, Atividade Ekonómika, Sanitária no Aliementár partisipa iha treinamentu, hamutuk ho Institutu Kualidade Timor-Leste (IQTL), ne'ebé realiza hosi koordenasaun entre estadu Timor-Leste ho Indonesia ne'ebé hala'o iha Embaixada Repúblika Indonezia ba Timor-Leste, nu'udár aktu komitmentu nasaun rua nian ba kapasitasaun rekursu Umanu iha setór Metrolojia.

Treinamentu ne'e ho matéria ba standarizasaun verifikasaun ne'ebé ho prinsipiu kalibrasaun, prosedimentu kontrolu, kriteria kuantidade masa no verifikasaun dasin-oan (Anak Timbang/AT). tuir Diretór Metrolojia, Diresaun Jerál Protesaun Konsumedór no Ordem Komersializasaun husi Ministériu Komersiu Repúblika Indonezia, Rusmin Amin, hateten Formasaun ne'e atu Kapasita no Fasilita ekipa tekniku sira iha kapasidade nune'e sai matadalan atu bele implementa regulamentu sira tuir standarizasaun sira ne'ebé iha.

Inspetór Jerál AIFAESA, Ernesto Monteiro MT, hatete implementasaun metrolojia iha Timor-Leste, teknikamenta regulariza iha Dekretu Lei Nú 10/2016 ne'ebé kompete ba IQTL hodi halo estudu no analiza, nune'e bele fasilita Atu regulariza standarizasaun metrolojia, nune'e mós legalmente kompete ba AIFAESA hodi halo kontrolu metrolojia iha setór komersializasaun.

Inspetór Jerál, Ernesto Monteiro realsa, kooperasaun no koordenasaun ida ne'e oportunidade di'ak tebes, no bele kontribui ba Timor-Leste hodi dezenvolve rekursu ne'ebé iha kuñesementu ba implementasaun. IG mós hateten Metrolozia hanesan setór importante ba kriteria atu adere ba ASEAN.

Iha sorin seluk, Embaxadór Repúblika Indonezia ba Timor-Leste, Sahat SItorus, hateten Programa ida ne'e hanesan komitmentu ida hosi indonezia hodi kontribui ba Dezenvolvimentu rekursu Umanu Timor-Leste nian , ne'ebé hahu ona hosi tinan 2017 to oras ne'e iha setór metrolojia nian, no kooperasaun ida ne'e sei metin no di'ak liu tan iha futuru.

DIP/AIFAESA.