AIFAESA,I.P Hala’o Enkontru ho Assosiasaun Tane Konsumidór

Autoridade Inspesaun no Fiskalizasaun Ba Atividade Ekonómika, Sanitária no Alimentár,I.P,. hala’o enkontru ho Assosiasaun Tane Konsumidores, iha Sede AIFAFAESA,I.P., Matadouru-Dili,(01/02/2019).
Objetivu husi enkontru ne’e hodi koalia kona-bá kooperasaun servisu ne’ebé AIFAESA,I.P., ho Tane konsumidór sei estabelese iha ámbitu defeza ba konsumidores.

Presidente TANE Defeza Konsumidór hato’o iha reuniaun ne’e,”Ami hakarak atu konserta ho AIFAESA kona ba asaun konjunta ruma liu-liu iha ámbitu sosializasaun ba konsumidores sira kona-bá sira nia direitu”.
Iha biban ida ne’e, Koordenador AIFAESA, apresia inisiativa husi “Tane” defeza konsumidór ne’ebe hakarak sosializa ba Konsumidóres hotu kona-bá sira nia direitu no dever sira.
Tuir Koordenador, importante mak tenki mekanizmu operasaun konjunta atu nune’e bele fasilita liu tan servisu hamutuk ida ne’e tuir lei no procedimentu legal sira ne’ebé vigora iha Timor-Leste.
Enkontru ne’e diriji husi Koordenador AIFAESA,I.P., Abilio Oliveira Sereno, ho akompanhamentu Diretur Departamentu Administrasaun no Finansas Joanico Soares, Diretur Departamentu Assuntu Juridiku no Kontraordenasoens Domingos Nunes, Xefe Divizaun Operasaun Alfonsius Akoyt, Tékiniku Júridiku Manegas Crisanto, no ekipa husi Tane Konsumidór nian.