Istoria AIFAESA

Dekretu Lei numeru 26/2016 29 Juñu ne’ebe hamosu Autoridade Inspesaun no Fiskalizasaun Atividade Ekonómika, Sanitária no Alimentar, I.P.
Prioridade ida husi programa VI Governo Konstitusional nian mak, lansa fali politika ida hodi defende konsumidor sira hadia diak liu tan kondisaun moris populasaun nian liu husi regularizasaun atividades ekonómikas. Ba ida ne’e presija halo revizaun ba norma legal konaba seguransa produtu aihan nian hodi kontrola kualidade aihan nian mak hanesan, kondisoens hijiene estabelesimentu sira nian no problema samitária.
Laos deit kontrola exersísiu ba atividade ekonómika iha setór aihan nian mesak, maibe importante mos disiplina no regula setór laos aihan nian no hala’o kontrolu iha matéria metrologia no padronizasaun hodi asegura katak hahalok ajentes ekonómiku sira nian lao tuir duni lei enkuadramentu legal sira ne’ebe regula atividade ekonómika.
Iha ámbitu ida ne’e mak mosu hanoin, hodi kria entidade ida ne’ebe konsentra kompetensia inspesaun no fiskalizasaun ba atividade ekonómika sira, kondisaun sanitária nian no kontrola kualidade aihan kompetênsia inspesaun no fiskalizasaun ba atividade ekonómika sira, kondisaun sanitária nian no kontrola kualidade aihan nian ho poder autoridade no kompetênsia atu hari’i prosesu kontraordenasaun hodi aplika koima no sansaun karik hetan infraksaun tuir lei. Iha sorin seluk promove aksaun divulgasaun ba informasaun relevantes sira ho objetivu atu diminui, halakon, ou prevene risku ba kadeia aihan ba saúde públika, risku sanitáriu hodi hametin exersísiu regular atividade ekonómika hodi proteje públika (konsumidores) sira no promove ekonómia nasional ida ne’ebe saúdavel.