INSPETOR SIRA HUSI DMP REALIZA INSPESAUN IHA MUNÍSIPIU BAUCAU

Baucau, 23 Jullu 2021- AIFAESA Liu husi inspetor sira husi Departamentu Metrolojia no Padronizasaun realiza atividade inspesaun iha munísipiu Baucau, postu administrativu Vemasse, Baguia no Venilale. Inspesaun ne'e realiza iha loron 19 to'o 23 Fulan Jullu 2021.

Antes atu realiza inspesaun ekipa hasoru uluk Prezidenti Autoridade no PNTL Munísipiu Baucau, hodi informa no husu mos apoiu seguransa ba atividade inspesaun ne'ebé halo iha munísipiu ne'e.

Husi inspesaun ne'e ekipa inspesiona estabelesimentu hamutuk 80. Inspesaun ne'e foka ba kuantidade kilograma ba produtu, medida material konstrusaun no aparellu mediasaun.

Husi estabelesimentu 80 refere, laiha estabelesimentu ida mak komete infrasaun.

Ekipa inspesaun ne'e, lidera husi Xefi Divizaun Metrolojia, Julito Barreto Salsinha Gomes.

DIP/AIFAESA.