INSPETÓR JERÁL, SUB-INSPETÓR NO DIREJENTE AIFAESA HAMUTUK HO FUSIONÁRIU SIRA PARTISIPA SERIMÓNIA ISAR BANDEIRA BA KOMEMORASAUN LORON PROKLAMASAUN BA DALA 46. IHA DARISULA-GARIUAI, MUNISÍPIU BAUCAU.

Baucau, 28/11/2021 - Inspetór Jerál, Ernesto Monteiro, MT., Sub-Inspetór, Deonísio Neto, no Direjente hamutuk ho Funsionáriu sira ba Autoridade Inspesaun no Fiskalizasaun Atividade Ekonómika, Sanitária no Alimentár partisipa iha serimónia selebrasaun loron Proklamasaun Indepedénsia RDTL ba dala 46, iha Darisula-Triloka, Munisípiu Baucau.

Hanesan Institutu Públiku Selebrasaun loron Proklamasaun ne'e importante atu antidade hotu-hotu halao refleksaun ba indepedensia ne'ebé Timor-Leste ho historia luta ne'ebé naruk tebes, hodi nune'e bele kuda no kesi espiritu nasionalizmu no patriotizmu iha idak-idak nian-an hodi hala'o knaar ho di'ak no lolos.

Partisipasaun ida ne'e mós tau importánsia atu fo orgullu ba funu na'in sira nia luta no fó hanoin hikas ba ita ba pasadu luta ne'ebé Timor-Leste hasoru iha okupasaun kolonializmu.

Aliende ne'e Selebrasaun ne'ebé ho Lema "Hamutuk, Ita Luta Hodi Hetan Vitória ba Ita Hotu", konvida ema hotu atu hamutuk servi nafatin ho di'ak ba futuru Timor-Leste di'ak Liu tan.

DIP/AIFAESA.