EKIPA AIFAESA KONTINUA KORDENA SERVISU HO AUTORIDADE MUNISÍPIU MANUFAHI BA SERVISU DESKONSENTRADU

Manufahi, 23/07/2021 - AIFAESA.I.P., kompostu husi Inspetór Jeral Dr. Ernesto Monteiro, MT., hamutuk ho ekipa kontinua halo koordenasaun servisu ho Administradór Munisipiu Manufahi Sr. Arantes Isaac Sarmento, iha Edifísiu Administrasaun Munisipál Manufahi.

Iha koordenasaun servisu ne’e, Inspetór Jeral AIFAESA, introdúz planu estratégia ba servisu deskonsentradu ne’ebé hakerek ona iha artigu 19, husi dekretu lei númeru 26/2016, 29 juñu, hodi loke tan liras ka konsentra servisu AIFAESA nian iha Munisípiu Manufahi.

Nune’e iha sorumutu ne’e hetan rezultadu di’ak husi Administradór Munisipiu, tanba servisu ida ne’e konsidera esensial tebes ne’ebé durante ne’e autoridade sira hein. Tanba ne’e Administradór garante sei fasilita ekipamentu no transporte sira ne’ebé presiza ba atividade inspesaun.

Entretantu, enkontru ne’e partisipa mós husi Diretór Jestaun Merkadu Munisipiu Manufahi, Diretór Assuntu Jurídiku Kontraordenasaun AIFAESA, Xefe Seksaun Rekursu Umanu inklui Tékniku Apoiu Gabinete AIFAESA.

DIP/AIFAESA.