AIFAESA.I.P. REALIZA ENKONTRU KOORDENASAUN SERVISU HO LABORATÓRIU NASIONAL SAÚDE NO LABORATÓRIU VETERINÁRIA (MAP)

Díli,03/08/2021 - Autoridade Inspesaun no Fiskalizasaun ba Atividade Ekonomíka Sanitaria no Alimentar Institutu públiku, liu husi inspetór Jeral Dr.Ernesto Monteiro M.T. Akompaña husi Sub-Inspetor Jeral Dr.Deonisio Neto,Xefe Gabinete Dr.Filipe Gomes, Diretora Departamento Planeamento Operasional Risku Ai-han no Laboratóriu Dra.Floriana Azete Pinto, no Xefé Divizaun Risku Ai-han no Laboratóriu Dr.Ângelo Edmundo Belo, realiza enkontru kordenasaun no kooperasaun servisu ho Diretora Nasional Veterinária Sra.Joanita B. da Costa Jong, Xefé Laboratóriu Diagnóstiku Sr.Feliciano ho Xefe Departamentu Laboratóriu Toxicologia Sr.Gaspar Pinto.

Objetivo prinsipal husi enkontru ne'e kona-ba kooperasaun no koordenasaun servisu entre AIFAESA ho Laboratóriu Nasional Saúde no Laboratóriu Veterinária MAP, wainhira AIFAESA koilleta amostra ruma presija halo teste.

Nune’e, Laboratóriu Referénsia sira mos kontinua apoiu AIFAESA, I.P. ba análize laboratorial, tan ne'e, AIFAESA liuhusi DPORAL sei kontinua submete amostra ba laboratóriu sira.

Entretantu, enkontru ne'e, sei iha kontinuasaun iha tempu badak hodi envolve instituisaun relevante hodi diskuti no distribui tarefa servisu ba malu.

DIP/AIFAESA.