AIFAESA.I.P., PARTISIPA ENKONTRU HO ADJUNTO PAM DILI, HODI ESTABELESE EKIPA KONJUNTA BA IMPLEMENTASAUN POLITIKA KONTROLA TABAKU IHA TIMOR LESTE

Díli, 24/08/2021 - Autoridade Inspesaun no Fiskalizasaun ba Atividade Ekonómika Sanitária no Alimentar, reprezenta husi Sub Inspetór Jeral Eng. Dionísio Neto da Silva no Xefe Divizaun Jurídiku Dr. Andreas Marquês Cabral, Partisipa Enkontru ne’ebé Konvida husi Prezidente Autoridade Munisipiu Díli interinu, atual Adjunto PAM, Sr. António Moniz Clau, ne’ebé hala’o iha Salaun Enkontru A Munisipiu Dili, Matadouru.

Enkontru ne’e realiza ona ba datoluk, ho objetivu atu kria ekipa konjunta ida ba Planu Estratéjiku ne’ebé trasa liu husi diskusaun husi entidade relevante sira ba polítika kontrola tabaku iha Timor-Leste.

Autór ne’ebé partisipa no sei implementa Planu hirak ne’e mai husi, Aliansa Nasional Kontrolu Tabaku ANCT, PNTL liu husi Komando Operasional Munisipiu Dili, Ministériu Saúde, Diresaun Nasional Transporte Terrestre, PNDS inklui AIFAESA rasik no entidade relevante seluk tan.

Tuir Planu, ekipa konjunta ne’e, sei estabelese no implementa asaun iha tempu badak, hafoin Prezidente Autoridade Munisipiu Díli foun simu posse.

DIP/AIFAESA.